Pakistanda, Lagor şeherinde ayan canlı bomba patlağanı sebebinden, eñ azı 65 insan elâk oldı, daa 280 - ni yaralandı. Ölgenler arasında esasen qadın - qızlar ve balalar qayd etilgen.
Yaralanğanlarnıñ çoqusı pek ağır aldadır, bu sebepten qurbanlarnıñ sayısı yüksele bile.
Patlama, şeher merkeziniñ parkı ve bala meydançığınıñ kirişinde oldı. Belli olğanı kibi, mezkür yerde yerli hristianlar kendi diniy bayramını qayd ete ediler.
Yapılğan ucum içün mesülietni öz boynuna «Camaat - ül - Ahrar» adlı gruppirovka aldı. (tercimesi - «Azatlıq içün küreşkenler»)
Aynı gruppirovka, mart 7 künü Şabdakari şeherinde yüz bergen patlav içün cevapkâr çıqtı. Belli ki, o vaqıt 17 insandan ziyade elâk olğan edi.