Kreml nezareti astında bulunğan Qırım akimiyetiniñ yolbaşçısı Sergey Aksönovnıñ bildirgenine köre, bu kurort mevsiminde Qırımda turistlerniñ aqını eñ azı 30% ösecek.
Qırım akimiyetiniñ matbuat hızmeti bergen malümatlarğa köre, bu aqta, Aksönov, Moskvada keçirilgen Yalta halqara iqtisadiy forumnıñ devamında bildirdi.
В этом курортном сезоне Крым ожидает увеличение туристического потока минимум на 30% #Аксенов #ПрессКонференция
— Сергей Аксёнов (@aksenov_sv) 23 марта 2016 г.
Bunıñ arfesinde, Qırım kurort ve turizm boyunca rusiye naziri Sergey Strelbitskiy, turizmni Qırımnıñ köylerinde inkişaf etmek istegenleri aqqında aytqan edi. Rusiye nezareti astında bulunğan Qırım Nazirler Şurası mütenasip tedbirler planını endi tasdıqladı.
Ukraina Yuqarı Şurası, 2014 senesiniñ fevral 20 resmiy olaraq Qırımnıñ ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petro Poroşenko mütenasip qanunnı imzaladı. Halqara teşkilâtlar, Rusiye tarafından Qırımğa qarşı yapılğan işğal areketlerini qanunsız sayıp, onı takbih etti. Ğarp devletleri, Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.