Mart 22 künü, Brüsselde nevbetteki patlav yüz berdi. France-Presse agentligi haber etkeni kibi, patlav saba Maalbeek adlı metro stantsiyasında olıp keçti.
Bu malümatnı Metropoliten hadimleri tasdıqladı. Mezkür metro Brüsselniñ Avropa Şurası institutları yanında yerleştirilgen.
VIDEO: Aftermath of the explosion at #Maelbeek metro station #BrusselsAttacks - @jfbxlpic.twitter.com/28tz4mWV4X
— Conflict News (@Conflicts) 22 березня 2016 р.
Evel haber etilgeni kibi, Brüsselniñ ava limanında bir sıra patlav neticesinde eñ azı 11 insan elâk oldı, 25 - şi yaralandı.
Bütün avauçuşları lâğu etildi. İnsanlarnı avalimanından ve oña ait olğan «Şeraton» adlı musafirhanesinden çıqaralar.
Küzde Parij şeherinde yüz bergen patlavlardan soñ, Belçika terroristik telükesi dairesinde üçünci derecede turmaqta.