Ukraina tış işler nazirligi, Türkiyege ziyaretlerni planlaştırğan ve ya şimdiki vaqıtta anda bulunğan Ukraina vatandaşlarını, bu devlette terroristik havfı yüksek derecede olğanını esapqa almağa çağıralar.
«Türkiyede bulunğan vaqıtta Ukraina vatandaşları çarege köre, uyanıqlıq ve muqaytlıqnı köstermek kerek. Mümkün derecede insanlar toplaşqan yerlerden uzaq turmaq, bunıñnen bir sırada, memuriy binaları, politsiya müessiseleri yanında bulunuvlarını sıñırlamaq, yerli içtimaiy naqliyatınen daa az qullanmaq, şahısnı belli etken vesiqalarnı daima yanında tutmağa çağıralar», - dep aytıla mesacda.
Mart 13 -nde aqşam, Türkiye paytahtı Ankara şeerinde küçlü patlav yüz berdi. O, Kızılay meydanı, Güven parkınıñ yanında yerleşken avtobus durağında olıp keçti. Berilgen malümatlarğa köre, arabalarnıñ birinde bomba patlağan. Fışqırğan ateş araba yanında turğan başqa maşnalarğa da keçken. Türkiye akimiyetinde eñ azı 34 elâk olğan ve 125 yaralanğan adamlar aqqında aytmaqtalar.