Adliyeci Nikolay Polozov bildire ki, fevral 25-te Astrahan mahkemesi qırımtatar halqınıñ milliy lideri Mustafa Cemilevniñ oğlu Hayser Cemilevni şartlı olaraq vaqtından evel azat etmedi.
«Fevral 26 künü yıllığında mahkeme Hayser Cemilevni şartlı olaraq vaqtından evel azat etmedi. O, Kreml reinesi olıp qala, babasına basqı yapmaq içün», – dep yazdı Polozov Twitterde.
К годовщине 26 февраля суд отказался освободить по УДО Хайсера Джемилова. Он продолжает оставаться заложником Кремля, для давления на отца.
— Николай Полозов (@Moscow_advokat) 25 лютого 2016 р.
Videokonferentsiya vastasınen mahkemede iştirak etken Hayser Cemilev aman-aman 4 ay devamında ceza izolâtorında yata.
«4 aydan berli ceza izolâtorında yatam. Sebebimi? Kündüz yuqlağanım içün, sayğısız yanaşqanım içün. Bunıñnen razı olmasam da, şikâyet etmedim, çünki bunı nasıl yapacağımnı bilmeyim», – dep tekrarlay Hayserniñ aytqanlarını TASS agentligi.
Polozovnıñ malümatına köre, mahkemede bildirilgenine köre, 4 ay devamında Hayser 8 ceza aldı ve yalıñız 6 kün otrâdda edi.
Ну вот, в ходе суда по УДО Хайсера Джемилова выяснилось, что на него за 4 месяца было наложено 8 взысканий, а в отряде он был всего 6 дней.
— Николай Полозов (@Moscow_advokat) 25 лютого 2016 р.
Решение астраханского суда об отказе в УДО Джемилову будет обжаловано, равно как и взыскания, о которых стало известно в ходе процесса.
— Николай Полозов (@Moscow_advokat) 25 лютого 2016 р.
Adliyeci qayd etti ki, Rusiye Hayser Cemilevni Ukrainağa teslim etmegeni içün o №10 Astrahan apishanesinde yata.
Rusiye Federatsiyasınıñ Yuqarı mahkemesi Krasnodar ülkesiniñ mahkemesi Hayser Cemilevge bergen 5 yıllıq apis cezasını bir buçuq yılğa qısqarttı. Kiyevniñ Dnepr mahkemesi 2015 senesi aprel ayında onı 3 yıl ve 8 ayğa qadar apiske almağa qarar aldı.
Hayser Cemilevni 2013 senesi mayıs 27-de onıñ Bağçasaraydaki evinde yaqaladılar. Anda 44 yaşında Fevzi Edemov öldürilgen edi. Militsiya Cinaiy kodeksniñ 115-inci maddesiniñ 1-inci qısmı boyunca (planlaştırılğan öldürüv) cinaiy iş açtı.
Keçken sene iyül 10 künü İnsan aqları boyunca Avropa mahkemesi Hayser Cemilevni SİZOdan azat etmek qararını çıqardı. Rusiye bunı yerine ketirmedi.