Kyivde Noman Çelebicihan añıldı (video)

Fevral 23-te Kyivdeki Ukraina edebiyat milliy müzeyinde qırımtatar siyasiy erbabı Noman Çelebicihan añıldı. Noman Çelebicihan Bağçasaray, İstanbul ve Sankt-Peterburgda oqudı, qırımtatar gençleriniñ maarif ve inqilâp teşkilâtlarında iştirak etti. Çelebicihan – «Ant etkenmen!» milliy gimniniñ müellifidir. Fevral inqilâbından soñ Qırım müftisi olaraq saylandı, soñra – birinci Qırımtatar Milliy Qurultayınıñ reisi oldı. 1918 senesi yanvar ayında bolşevikler tarafından yaqalandı, fevral 23-de öldürildi. 33 yaşında Noman Çelebicihannıñ cesedi deñizge atıldı.