Yuqarı Rada deputatı, Ukraina prezidentiniñ qırımtatar halqınıñ işlerinden vekâletlisi Mustafa Сеmilev dey ki, milleti ve yaşağan memleketine baqmadan, er bir vatandaşnıñ borcu – «dünyağa telükeli olğan Rusiye faşizmine ile küreşke isse qoşmaq».
Bunı Cemilev Kiyevde, fevral 8 künü. Oña «Rusiyede faşizmge stop» Putinge qarşı halqara koalitsiyası tarafından «Rusiye faşimzi ile küreşte yararlıqları içün» nişanınıñ taqdimi vaqtında bildirdi.
Cemilev dey ki, 70 million insannıñ ölümi ve 40 million insanıñ yaralanuvı sebebi olğan Ekinci Cian cenkiniñ bitmesinden soñ «dünya nizamına telükeli olğan milletçilikniñ soñu olğanına ümüt peyda olğan edi».
«Böyle öptimizm içün sebep çoq degil edi, çünki Gitlerge qarşı koalitsiyanıñ azalarından biri SSCB edi, mında başqa tüşüngenlerge nisbetensabırsızlıq İtaliya faşizm ive Almaniya natsizminden uzaq ketmegen edi», – dedi qırımtatarlarnnı milliy lideri.
O SSCBde totalitar rejiminiñ cinayetleri aqqında hatırlattı: Ukraina ve Qazahistanda açlıq, sürgünlik ve genotsid, halqlarnıñ qavmiy temizlevi, ölüm lagerleri aqqında.
«SSCBniñ Afganistanda etken nevbetteki qanlı macerasından soñ Ğarbiy dünya SScBge qattı iqtisadiy cezalarnı ilân ettiler, neticede bütün kommunistik sisteması dağıtıldı. Halqlarnıñ çoqsı serbest ve mustaqil oldı, amma er bir halq ondan teñ faydalanmadı. Bazı memleketlerde sovet rejimini añdırğan rejim tiklendi, başqalarında – demokratiya seviyesi o qadar arttı ki, bunıñ neticesinde olar AB azaları oldı. Rusiyeniñ de demokratik devlet olacağına ümütler bar edi, amma… şovinist arbiy teşkilâtlarnıñ artması, başqace tüşüngenlerniñ taqibi, qanlı cenkler, Ukrainağa ücüm, – bu memlekette deñişken şey çoq olmağanını tasdiqlay», – dey Mustafa Cemilev.
Fevral 8 künü Rusiyede faşizmge stop» Putinge qarşı halqara koalitsiyası tarafından «Rusiye faşimzi ile küreşte yararlıqları içün» nişanını taqdim ettiler.
Qırım Rusiye tarafından 2014 senesi işğal etilgeninden soñ Mustafa Cemilev ve Refat Çubarovğa Rusiye ve Qırımğa kiriş beş yılğa yasaq etildi.