Kiyevde, yanvar 30 künü, İslâm medeniy merkezinde Qırımtatar medeniyeti Kününi qayd ettiler. Onı «Maryam» qadın-qızlar teşkilâtı azırladı.
Tedbir çerçivesinde musafirlerge qırımtatarlarnıñ urbası, yırları ve sevimli yerleri, adetiy milliy örnekleri aqqında tarif ettiler, tedbirniñ soñunda adetiy qırımtatar yemekleri ile sıyladılar.
Qırımlı Afize Yusuf-qızı Qırım.Aqiqatqa qırımtatarlarnıñ medeniyetinde halq yırlarınıñ yeri aqqında tarif etti.
«Sürgünlik devrinde yırlarnıñ çoqusı Vatanğa sevgini aşlağanı sebebinden yasaqlanğan edi. Qırım aqqında, Vatan aqqında yırlamağa – yasaq etilgen edi. Menim içün, yır – er vaqıt medeniyetimize daluvdır, çünki özünde adetlerni, tarihnı sаqlay, esası – tilni saqlay», – qayd etti Afize.
«Maryam» teşkilâtı diniy, medeniy, dinlerara leyhalarını keçire. Evel İslâm diniy merkezinde endi ukrain ve arap medeniyetleriñ künleri keçirile edi.