Qırımnıñ Rusiye uquq qoruyıcı organları Aqmescitte Mokrousova soqağında yerleşken caminiñ silâlı insanlar tarafından sarıp aluvını añlatmaylar. Bunı Qırım.Aqiqatqa Qurultaynıñ Merkeziy Saylav komissiyanıñ başı Zair Smedlâyev bildirdi.
«Qorquzuv aktsiyasıdır. Sanki kimse qarşılıq köstere. Bu maskalar, balaklava ve qalğanı nege kerek? Menimce, qorquzuv aktsiyasını keçirmek kerekler, nasıldır bir islâm terrorizmi aqqında aytmaq. Demek, terroristler ile küreşseler, ciddiy azırlıq olmalı», – dey Smedlâyev.
Onıñ sözlerine köre, bu shemağa Canköyde Elif bala qırımtatar merkeziniñ teşkerüvi de kire. «Bu bir zıncırnıñ alqalarıdır. Vazife – islâm terrorizmi ile küreşkenini kösterecek olalar».
Elıf merkeziniñ müdiri Lutfiye Zudiyeva Facebookta yazğanı kibi, mahsus hızmetleriniñ teşkerüvinden soñ, prokuraturada «subet» keçirildi: «Neticeler: yarınğa teşkerüv boyunca añlatuv ve şikâyetlerni azırlayım, bunıñ ile beraber teşkerüv, bala merkezimizniñ faaliyetiniñ qanuniyligi boyunca. Bizim bala edebiyatımız ne yerde olğanını ögrenmek kerekim», – yazdı o.
Qırım Rusiye akimiyeti ve yerli uquq qoruyıcılar bu vaqialarnı izaatlamay.