Bütündünya qırımtatar kongressiniñ icraiy şurasınıñ iştirakçileri Qırım müftisi Emirali Ablayevni takbih ettiler. Bunı Qırım.Aqiqatqa icraiy şurasınıñ azası Ali Оzenbaş bildirdi.
«Qırım Müftiyligi ile bağlı tesadüfiy vaziyet peyda oldı. Şimdi onıñ areket tarzına diqqat etmemek mümkün degil, onı er kes takbih etti. Çünki öz halqına nisbeten satqınlıq, tsinik areketler etile. Bu areketlerni takbih etmege mecbur oldıq», – dedi Оzenbaş.
O şunı da qayd etti ki, Müftini muzakereler çerçivesinde takbih ettiler ve şimdi bu bir vesiqa şeklinde degil.
Your browser doesn’t support HTML5
Qıtada yaşağan qırımtatarlar Qırım müftisini takbih ete
Soñ vaqıtları Qırımtatar Milliy Meclisi ve Qırım musulmanları diniy idaresi arasında ziddiyet arta. Meclisniñ bazı azaları Müftiylikni Rusiye akimiyeti ile işbirlikte qabaatlay, QMDİ ise Herson vilâyetinde qırımtatar batalyonınıñ teşkil etilmesini takbih ete.
Yanvar 16 künü Aqmescitte «Qırım musulman ümmetiniñ birligine yañı çağıruvlar» serlevalı konferentsiya keçirildi. İştirakçileri Müftiylikke öz destegi aqqında bildirdiler.