Qırımnıñ Aqmescit rayonında transformator stantsiyasında qaza yüz berdi, haber ete yarımada Rusiye ükümetiniñ matbuat hızmeti.
Bildirilgeni kibi, qaza neticesinde Badana ve Acı Qal köylerinde energetik teminlevi sıñırlanğan.
Matbuat hızmetiniñ malümatına köre. qaza yerinde tamir işleri alıp barıla, işlerniñ bitirilecegi aqqında malümat Qırımnıñ Rusiye ükümeti saytında yoqtır.
Qırımğa dekabr 30-dan qıtaiy Ukrainadan elektrik energiyası berilmey, Herson vilâyetinde elektrik yolağınıñ patlavı buña sebep olmalıdır. Al-azırda elektrik tiremesi tamirlengen, amma energetik muqaveleniñ toqtatılmasından sebep elektrikni bermeyler. Yarıq ile olğan problemlerden sebep bazı regionlarda qazan dairelerini söndüreler, insanlar çeşit qızdıruv aletlerinden faydalanmağa mecbur.
Rusiye FVN Qırım idaresiniñ reberi Sergey Şahov aytqanı kibi, Qırım şimdi kerek olğan 1350 megavattan 931 MVt ala.