Ukraina Tış işler naziri Pavlo Klimkin Qırımda aman-aman bir yıl devamında SİZOda bulunğan Qırımtatar Milliy Meclisi reisniñ muavini Ahtem Çiygoznı doğğan künü ile hayırladı.
«Ahtem Çiygoznı doğğan künü ile hayırlayım! Cesürlik ve sağlıq tileyim. Azatlıq ve adalet işğalcini yeñer», – yazdı Klimkin Twitterde.
Вітаю з Днем народження Ахтема Чийгоза! Бажаю мужності і здоров%27я. Свобода і справедливість переможуть окупанта. pic.twitter.com/9L41P6JjHz
— Pavlo Klimkin (@PavloKlimkin) 14 Грудень 2015
Aman-aman bir yıl devamında Qırımda SİZOda bulunğan Qırımtatar Milliy Meclisi reisiniñ muavini Ahtem Çiygoz dekabr 14 künü 51 yaşını toldurdı. Meclis azaları Çiygoznıñ ana-babasında onıñ doğğan kününi mahsus hızmetlerniñ nezareti altında qayd ettiler
Hayırlav sözlerinde Meclis yolbaşçılığı semetdeşine bu sınavlarğa dayanmaq içün sabır, küç, sağlıq ve azatlıqnı tiley.
Qırımtatar Milliy Meclisi reisiniñ muavini Ahtem Çiygoznı Qırım parlamenti yanında 2014 senesi fevral 26-da keçirilgen kütleviy tertipsizliklerni meydanğa ketirmesi boyunca qabaatlap, 2015 senesi yanvar 29-da yaqaladılar.
2015 senesi noyabr 30 künü Qırımnıñ Yuqarı mahkemesiniñ Çiygoznı 2016 senesi yanvar 29-na qadar apiste bulunması aqta qararını lâğu etmedi.