Aqmescitte, Qırımtatar medeniy-tarihiy asabalıq müzeyinde sergi açıldı – «Dünya halqlarınıñ kiymeleri» miniatürada.
Qırım.Aqiqat mühbiri bildirgeni kibi, sergide dünyanıñ bir 70 halqı taqdim etilgen. Yani, dünyada yaşağan halqlarnıñ milliy urbalarına kiyingen bir 130 qoqla.
Bu Qırım müendis-pedagogika universitetiniñ «Urba tehnologiyası ve dizaynı ve professional pedagogika» kafedrasınıñ ocaları ve studentleriniñ çoq yıllıq işidir.
Teşkilâtçılarnıñ degeni kibi, bu ğaye kafedra laboratoriyasında sekiz yıl evelsi peyda oldı.
«Milliy urba – kitaptır, onı oqup, halqnıñ adetleri, tarihını bilmege mümkün. Milliy kostümnıñ miniatürası qalpaçıqtan ayaqqapçıqlarğa qadar muqaytlıqnen yapıla ve çoq vaqıt ala», – deyler teşkilâtçılar.
Kiyimler er bir halqnıñ milliy örnegi esasında tikildi.
Sergi qıtaiy Ukrainadaki sergilerde, şeer ve cumhuriyet tedbirlerinde taqdim etilgen edi.
Sergi aynıñ soñuna qadar açılı olacaqtır.