Qırımnıñ inkişaf strategiyası tek kâğıttadır, dedi yarımadanıñ rusiyeli başı Sergey Aksenov.
«Şimdilik o (Qırımnıñ inkişaf strategiyası – QA) kâğıtta ifadelegen fikirler şeklindedir», – yazdı Aksenov Facebookta.
Onıñ sözlerine köre, vesiqanı tüzetmek, er bir yöneliş boyunca muayyen tekliflerniñ kirsetilmesi ile ilk nevbette yapılacaq vazifelerni belgileycek ayrı iş gruppalarını teşkil etmek kerek.
Ukraina Yuqarı Radası 2014 senesi fevral 20 kününi Qırımnıñ muvaqqat işğaliniñ başlanuv tarihı olaraq belgiledi. Ğarp memleketleri Qırım işğalini tanımay ve bir sıra iqtisadiy cezalarnı kirsete. Rusiye yarımadanıñ işğalini red ete ve bunı «tarihiy adaletniñ qaytarılması» olaraq adlay.