Keçken afta Strasbourgda Avropa Şurasınıñ parlament assambleyası toplaşuvınıñ bir künü qırımtatar medeniyeti aqşamı ile bitti.
Tedbirge bir 400 insan qoşuldı, aqşamğa Avropa diplomatları, PACE deputatları, İnsan aqları boyunca Avropa mahkemesiniñ mahkemecileri, elçiler ve digerleri keldi, bunı Facebookta Ukraina halq deputatı, PACEde ukrain eyeytiniñ azası Georgiy Logvinskiy bildirdi.
Avropalılarğa qırımtatar halqınıñ tarihı aqqında tarif etken foto sergisini taqdim ettiler. Rustem Skibinniñ işleri müitni yaratıp, aqşamğa aenk qoştı. Musafirlerni adetiy aşlar ile sıyladılar (lülâ-kebap, hanuma, sarma, sarburma). Bestekâr Cemil Karikov, akkordeon çalğıcısı Şevket Zmorka, yırcı Agabekov güzel keyf bağışladılar.
«Öyle bir teessurat ki, sanki Qırımnıñ aenkli ve neşeli bir qısmı Strasbourgda peyda oldı. Qırım aqşamı muvafaqiyetnen keçti. Çoqusınıñ közleri yaşlandı. Müit ve duyğu taşıra edi… Sevinmege, külmege ve küreşmege bilgenimizni kene bir kere kösterdik. Ğalebelerge quvanamız, duşmanlarnıñ üstünden külemiz ve uquq aqqı küç aqqından üstün olması oğrunda küreşemiz», – dey Logvinskiy.
Qırım Rusiye tarafından 2014 senesi fevral 20 künü işğal etilgen. Ukraina Yuqarı Şurası bu tarihnı yarımadanıñ muvaqqat işğaliniñ başlanuvı olaraq belgiley.