Qırımnıñ rusiyeli ükümetiniñ iç siyaseti, haber ve alâqa nazirliginde baş nazir muavini ve nazirlikniñ başı Dmitriy Polonskiyniñ Varşavada oktâbr 1 künü ne etkenini bilmeyler.
«Böyle malümatnı bilmeyim. Ükümet portalında Dmitriy Anatolyeviç Polonskiy şimdi Poloniyada olğanı aqqında malümat bar… Olarnıñ programmaları aqqında haberi yoq, googlğa muracaat etiñ, halqara konferentsiyadır, anda programma yazılğandır», – dedi nazirlikniñ matbuat hızmetiniñ başı Anna Batova Qırım.Aqiqatqa.
Evel matbuat vastalarnıñ bir qısmı Qırımnıñ rusiyeli baş nazir muavini Georgiy Muradovğa esaslanıp, Polonskiyniñ Poloniyada «pasportnıñ qalplığını etkeni ile bağlı uydurılğan qabaat» boyunca yaqalanğanını bildirgen edi.
Poloniya Tış işler naziri Grzegorz Schetyna aytqanı kibi, Poloniya Qırımnıñ rusiyeli ükümetiniñ baş nazir muavini Dmitriy Polonskiyni memleketke yañılıp kirsetti.