Qırımda sentâbr 8-11 künleri yalı yanındaki territoriyalarnıñ, meskün yerlerniñ suvğa batması, yollarnıñ, köpürlerniñ bozuluvı ile bağlı fevqulâde vaziyetlerniñ ola bilecegi aqqında tenbiyeleyler. Bunı Canköy şeer memuriyetinde bildirdiler.
Qurtarıcılarnıñ malümatına köre, yaşınçekerleri olmağan obyektlerge yıldırımnıñ tüşmesi mümkün olğanını qayd eteler.
Ealini balalarnı büyüklersiz qaldırmamaq, balkonlardan pekitilmegen, ağır ve büyük şeylerni almaq, naqliyatnı terekler, inşaatlar, balkonlarnıñ yanında qaldırmamaq çağıralar.
Sinoptiklerniñ malümatına köre, Qırımda ara-sıra bulutlarnıñ olması beklenile. Bazı yerlerde yağmurnıñ yağması, 14 m/s yelniñ olması tahmin etile.
Bunıñ ile sentâbr 9 künü Qırımda yanğın havfı saqlanıla.