Ahtem Çiygoz
Mahkeme sisteması dört balanıñ babasına (qanun aqqında aytmayım endi) Allahtan qorqmayıp, sert ükümler çıqarğan soñ menim ümütlerim yoq (…) Prokurorımıznıñ yüzüne baqam. O, qırımtatarı mında otursa, dört bala ise babasız össe, quvanadır.
70 yıldan berli bizni mahkeme eteler, ve, maalesef, bir deñişme körmeyim. İnsanlarnı yapmağan şeylerde qabaatlamaq uquq qoruyıcılarnıñ işimi? Mahkemeciler ceza tedbirlerini yekünleyler.
Mitingde bulunıp, öz aq-uquqları aqqında aytmaq – er bir insannıñ aqqıdır. Bu bütün halqara uquqlarda, şu cümleden, Rusiye Federatsiyasınıñ anayasasında da bar
Mitingde bulunıp, öz aq-uquqları aqqında aytmaq – er bir insannıñ aqqıdır. Bu bütün halqara uquqlarda, şu cümleden, Rusiye Federatsiyasınıñ anayasasında da bar.
Keçken sene prezident Putin yapqan çıqışını hatırlayım, o, qırımtatarlarğa adaletsiz munasebetni, olarnıñ tarihiy vatanına qaytqanını aytqan edi.
Bese-belli, bu sözlerni böyle qabul etmek kerek, demek, ileride bütün sistemalar Vatanımızda olğanımızdan bizge böyle yanaşacaqlarmı? Delillerde yazğanları, – menim tarafımdan şaatlarğa basqı. Bugün özüm kördim, taqiqat miting iştirakçilerini sıqıştıra, küçük balalarını qullanıp, maña şikâyet etmege teklif ete ve mahkemeden evel azat etmege vade ete. Mahkemeci bunı iş malümatlarında körmeymi? Oña uzatma ükmüni çıqara. Men nege ümüt eteyim? Bu üküm. Siz bunı bilesiñiz, men bilem, oturğan prokuror da bile. Öz halqınıñ aq-uquqları, öz aqları içün küreşmek – insannıñ itibarıdır. Mence, bugünki prokurorlar, taqiqatçılar yapqan basqılarğa baqmadan, bunı itibar ile keçermiz.
Bugün prokuratura ve taqiqat organları tarafından seslendirilgen cinayetlerge iç bir alâqam yoq. Bütün malümatlar bunı isbatlay
Biz çoq şeyni kördik. Bunı da keçermiz. Bugün prokuratura ve taqiqat organları tarafından seslendirilgen cinayetlerge iç bir alâqam yoq. Bütün malümatlar bunı isbatlay.
Bu mahkemedir. Bütün qırımtatarlarnı qorquzıp olamazsıñız!
Alğışlar! Mahkemeci bugün üküm çıqarılmay, şikâyet arizası baqıla, dep ayta.
Aytıñız, taqiqatçı anda menim canavar, terrorist olğanımnı yazsa, siziñ vazifeñiz bizim malümatımızğa emiyet bermek degilmi?
Bugün menim ve digerlerniñ apiste bulunması taqiqatçı ve prokuratura hadimleriniñ fikirlerine esaslana. Biz nasıl etip qorulacaqmız? Menim 4 balam, 4 torunım, qart ana-babam bar olğanını nasıl isbatlayıq? Yüz kere ketmege imkânım bar edi – ketmedim, bunı daa nasıl añlatayım? Maña ayta ediler: ket, seni apiske alacaqmız, mında artqaçsıñ – men kene de evimde qala edim. Bu erkek 4 küçük balası olğanını nasıl isbatlasıñ? Büyügi 5 yaşında. Saqlanmaycağımıznı isbatlağan daa nasıl deliller kerek?
Sizce, taqiqat ve prokuratura meyilli degilmi? Bese-belli – milliy çizgilerge köre mahkeme eteler. Bese-belli
Sizce, taqiqat ve prokuratura meyilli degilmi? Bese-belli – milliy çizgilerge köre mahkeme eteler. Bese-belli. Men çağırdım, dep yaza. Delliler qayda? Aman-aman 4 aydan berli meni davet etmeyler bile. Şaatlarğa basqı yapıla. O, bunı bugün ayttı, maña şikâyet etsinler istedi. Daa deliller kerekmi? Men Ukraina vatandaşım, (Qırımnı – QA) terk ete bilem delillermi?
Oturğan prokuror – tünevin qaysı devletniñ vatandaşı edi? Ukraina vatandaşı olmaq – cinayetmi? Böyle masqaralıq ola bilemi? Bugün 21 asır. Adalet, insaf kibi şeyler bar. Tarih bir şeyge ögretmedimi? 30-ıncı seneleri. Olar qarğanlanğanını añlamaysıñızmı?
Menim fikirimce, bugün Qırımda olğanlar – milliy harakterli qanunsızlıqtır. Bir sıra siyaset erbabı, bir sıra memur qırımtatarlarnı qıynamaq içün vaqıt bekledi, ğaliba. Amma bunıñ iç bir neticesi olmaycaq. Olsa da, yaramay olacaq. Men bugün mında olsam da, meni qapatqan olsalar da, bütün qırımtatarlar evlerinde saqlanıp oturacağını ve aq-uquqları içün küreşmeycegini tüşünmeñiz.
Bugün maña suv bermeyler, men hastam. Men suv bermege rica etem, maña ise bir yutum yapmağa bermeyler, mahkemeci ve prokuror ise bir şey olmadı kibi oturalar. Bu nege oşay?
Yedi ay apistem, insanğa suv berilmegenini daa körmedim
Yedi ay apistem, insanğa suv berilmegenini daa körmedim.
(Qabaat tarafı öz delillerini ketirip, Çiygoz azat etilse, taqiqattan saqlana bile, dep tüşüne)
Birinciden, pek büyük degil, büyük, bunı prokuror bilmek kerek. O sefer de aynısı edi, cezanı üç ayğa qadar uzatqanda avgust 19-da taqiqat müddeti bitkenini añladılar. Bu daa bir kere milliy mensüplik sebepleri bar olğanını isbatlay.
Bilesiñiz, daa ciddiy cinayetleri olğan insanlar azatlıqta buluna. Mennen alâqası yoq. Adalet ile alâqalıdır.
Biñlernen, on biñlernen adam bu esnasqa baqıp, bu devlette, hususan, Qırımda mahkeme sisteması kerçekten barmı, dep tüşüne?
Ahtem Çiygoz, Qırım siyasiy mabusı, qırımtatar milliy areketiniñ faali, Qırımtatar Milliy Meclisi reisiniñ muavini
«Bloglar» rubrikasında bildirilgen fikir-tüşünceler müelliflerniñ noqtaiy-nazarlarını ifadelep, muarririyet baqışları ile aynı olmaması mümkün