Avgust 24-te Ukraina öz mustaqillik kününi qayd ete. Eki yıldan berli bu bayram Rusiye tarafından işğal etilgen Qırımda qayd etilmey. Ukrain bayramı munasebetinen Qırım.Aqiqat mahsus leyhağa başlay – «Qıtadan hayırlavlar».
Kün devamında Qırım.Aqiqat siyasetçi, memur, siyasetşınas ve jurnalistlerniñ yarımadada yaşağan qırımlılar içün qayd etken video muracaatlarını aydınlatacaq.
Ukraina mustaqillik Künü – Ukrainanıñ devlet bayramı, er yıl avgust 24-te Ukrain Sovet Sotsialistik Cumhuriyetiniñ Ukrainanıñ mustaqilligi aqqında qabul etken Seneti munasebetinen qayd etile.
Aqmescitteki cemaat faalleri Ukraina mustaqillik Künü munasebetinen aktsiyanı keçirecek ediler, lâkin Aqmescitniñ şeer memuriyeti buña izin bermedi.