Ukraina prezidenti Petro Poroşenko anayasa komissiyasını qırımtatar halqınıñ liderleriniñ laflarına emiyet berip, Anayasa deñişmelerinde Qırımnı Ukrainanıñ ayırılmaz parçası olaraq qırımtatarlarğa taqdirini belgilemek aqqını bergen milliy-territorial qurulış olaraq tasdıqlamağa çağırdı.
Bu aqqında Poroşenkonıñ resmiy Twitter saifesinde aytıla.
Anayasa komissiyasını qırımtatar halqınıñ liderlerini diñlemege ve Qırım Muhtar Cumhuriyetini Ukrainanıñ ayırılmaz parçası olaraq qayd etip, qırımtatar halqına taqdirini belgilemek aqqını amelge keçirmege imkân berecek milliy-territorial qurulış olaraq belgilemege çağıramPetro Poroşenko
«Anayasa komissiyasını qırımtatar halqınıñ liderlerini diñlemege ve Qırım Muhtar Cumhuriyetini Ukrainanıñ ayırılmaz parçası olaraq qayd etip, qırımtatar halqına taqdirini belgilemek aqqını amelge keçirmege imkân berecek milliy-territorial qurulış olaraq belgilemege çağıram», – dedi prezidenti.
İyül 16-da Ukraina prezidenti Yuqarı Radada detsentralizatsiya meselesinde Anayasa deñişmelerini taqdim etecek, deputatlar cumaaqşamı künü deñişmelerni baqacaqlar.
Deputatlar deñişmelerni Anayasa mahkemesine yollamaq kerekler.
Закликаю Конституційну комісію дослухатися до лідерів кримськотатарського народу і передбачити,що Крим - невід%27ємна складова частина України
— Петро Порошенко (@poroshenko) 16 июля 2015
Petro Porogenko Yuqarı Radağa bunıñnen bağlı qanun leyhasını kirsetken edi. Vesiqağa binaen, Donetsk ve Lugansk vilâyetleriniñ ayrı rayonlarında yerli idare hususiyetleri qanun tarafından belgilene. Bundan ğayrı, yerli akimiyet organlarınıñ vekâletlerini arttırğan deñişmeler kirsetile.
Refat Çubarov Ukraina prezidenti Petro Poroşenkonıñ qırımtatar halqına milliy-medeniy muhtariyet bermek teklifine qarşı çıqtı. Onıñ aytqanına köre, qırımtatarlarnıñ taqdirini belgilemek aqqı qayd etilmese, o, Anayasa deñişmelerine qoltutmaycaq. Refat Çubarov anayasa komissiyasınıñ azası ola.
2014 senesi baarden berli Qırım Rusiye Federatsiyasınıñ işğali altında buluna.