Qırımtatar Milliy Meclisiniñ reisi Refat Çubarov Ukraina prezidenti Petro Poroşenko ile qırımtatar halqınıñ Qırımnıñ tamır halqı olaraq aq-uquqlarınıñ ğayrıdan tiklenmesi meselesinde «aynı fikirde degil». Bunı o çarşenbe künü, iyül 1-de, Poroşenkonıñ beyanatını izaatlap, Facebook saifesinde bildirdi, – dep haber ete Qırım.Aqiqat.
«Qırımtatar halqına borclumız», – dep ayttı Ukraina prezidenti Ukraina Anayasasına ademi merkeziyet (detsentralizatsiya) meselesinde kirsetilecek deñişmeler leyhasını taqdim etkende.
«Bu ifadeni qullanıp, qıymetli prezident belli olğanını, yani Ukrainanıñ 23 yıl devamında qırımtatar halqına vatanında aq-uquqlarını ğayrıdan tiklemekten qaçınğanını qabul etti», – dep ayttı Refat Çubarov.
«Bunıñnen beraber Ukraina prezidentiniñ yarımadanıñ tamır halqına aq-uquqlarınıñ ğayrıdan tiklenmesiniñ qırımtatarlarğa milliy-medeniyet muhtariyetni qurmaq aqqı berilip temin etilecek kibi sözlerini qabul etemem», – dep qayd etti Qırımtatar Milliy Meclisiniñ reisi.
Refat Çubarovnıñ aytqanına köre, Ukraina Anayasasınıñ diger maddeleri, şu cümleden «Qırım Muhtar Cumhuriyeti» X bölügine kirsetilecek deñişmeler anayasa islâatınıñ nevbetteki basamaqlarında azırlanacaq.
Çubarov detsentralizatsiya meselesinde yapılacaq islâatlarnı Ukraina Parlamentine taqdim etkende Ukrainağa bağlı Qırım Muhtar Cumhuriyetiniñ uquqiy statusı ile bağlı fikir-tüşünceler açıq-aydın aydınlatılacağına ümüt beslegenini bildirdi
Çubarov ademi merkeziyet (detsentralizatsiya) meselesinde yapılacaq islâatlarnı Ukraina Parlamentine taqdim etkende prezidentniñ özü ya da temsilcisi vastası ile Ukrainağa bağlı Qırım Muhtar Cumhuriyetiniñ uquqiy statusı ile bağlı fikir-tüşüncelerini açıq-aydın aydınlatacağına ümüt beslegenini bildirdi.
«Halqara uquq qaidelerine köre bu şekilde qayd etilmeli – «Qırımtatar halqınıñ taqdirini belgilemek aqqını yerine ketirmesine esaslanğan milliy ve territorial qurum – Qırım Muhtar Cumhuriyeti – Ukrainanıñ bölünmez parçasıdır ve Ukraina anayasasında qayd etilgen vazifeler çerçivesinde bütün meselelerni al etecektir», – dep qayd etti Refat Çubarov.
O, «bunıñ kibi açıq izaatlar» berilmese, Ukraina Anayasasına ademi merkeziyet meselesinde teklif etilgen deñişmeler leyhasına qoltutmaycağını bildirdi. Refat Çubarov işdeşleri, Ukraina halq deputatlarından aynısını yapmağa rica etecegini ayttı.
Petro Poroşenko bildirdi ki, çarşenbe künü, iyül 1-de, kündüz detsentralizatsiya meselesinde Anayasa deñişmeleriniñ leyhasını imzalap, parlamentke berecek
Ukraina prezidenti Petro Poroşenko bildirdi ki, çarşenbe künü, iyül 1-de, kündüz detsentralizatsiya meselesinde Anayasa deñişmeleriniñ leyhasını imzalap, parlamentke berecek. Bunı devlet yolbaşçısı prezident memuriyetiniñ azbarında deñişmeler leyhasını jurnalistlerge taqdim etip ayttı.
«Kün devamında bunı qanun leyhası olaraq şekillendirip, Ukraina Yuqarı Radasına deñişmesiz beririm, dep ümüt etem», – dedi Poroşenko.
Prezident Donbass içün ayrı bir status olmaycağını, Qırım ve Aqyar içün ise muhtariyet statusı qalacağını ayttı.
Впевнений - дипломатичними зусиллями проблема анексії Криму буде вирішена. Автономний статус Криму і Севастополя будуть збережені
— Петро Порошенко (@poroshenko) 1 Липень 2015
Bundan evel Ukraina prezidentiniñ Memuriyeti reisiniñ birinci muavini Vitaliy Kovalçuk Anayasa leyhasında işğal etilgen topraqlar içün ayrı bir status olmaycağını bildirgen edi. Bunı o salı künü, iyün 30-da, jurnalistlernen körüşip ayttı. Subet devamında Ukraina akimiyetiniñ detsentralizatsiyası meselesinde Anayasa deñişmeleriniñ kirsetilmesi ve tasdıqlanması ile bağlı keçirilecek tedbirler añlatıldı.