Cuma künü, iyün 26-da, qırımtatar bayrağı Vatikannıñ Aziz Petro meydanında peyda oldı. Bu aqta twitterde Aziz Prestol yanındaki Ukraina Elçihanesi bildire.
Ukraina ve qırımtatarlarnıñ milliy bayraqları ile insanlar fotoğa çıqarıldı.
«Vatikan. Aziz Petro meydanı. Eki bayraq – bir memleket», – denile beyanatta.
Кримськотатарський прапор на площі Святого Петра!!! З Днем прапора!!!
Два прапори - єдина країна!!! #КримЦеУкраїна pic.twitter.com/8Boic3k9qV
— UKR Emb to HOLY SEE (@UKRinVAT) 26 Червень 2015
Ватикан. Площа Святого Петра. Два прапори - єдина країна!!! #КримЦеУкраїна @ukrpravda_news @5channel @radiosvoboda pic.twitter.com/4xvxjaGFhN
— UKR Emb to HOLY SEE (@UKRinVAT) 26 Червень 2015
Сuma künü, iyün 26-da, Kiyevde Qırımtatar Bayrağı Kününde bir sıra tedbirniñ keçirilmesi planlaştırıla, olarnıñ çerçivesinde Obolon yalısında büyük qırımtatar bayrağınıñ resmini yapacaqlar. Tedbirlerniñ esas qısmı ise Kiyevde saat 19:00 Şevçenko bağçasında başlanacaq, mında Ukrainada eñ büyük qırımtatar bayrağını açacaq olalar. Meclis yolbaşçılığınıñ çıqışı, yarış ve avto yürüşi planlaştırıla.
İyün 26 künü açılacaq eñ büyük qırımtatar bayrağı aqqında Herson viyaletiniñ faalleri de bildireler.
Evel bildirilgeni kibi, iyün 3 künü Kiyevde fleş mob başlandı, maqsadı – qırımtatar bayrağını Ukraina şeerlerinden keçirip, birdemlik timsali olaraq qırımlılarğa teslim etmek.
Qırım Qırımtatar Milliy Meclisi reisiniñ muavini İlmi Ümerov Qırımnıñ rusiyeli prokuraturasından Qırımtatar Bayrağı Kününe qanunsız tedbirlerniñ keçirilmesi mümkün olmağanı aqta tenbiyeni elde etti. Bundan evel böyle tenbiyeni Aqmescitte Ukrain medeniy merkeziniñ teşkilâtçılarından biri Leondi Küzmin elde etti.
Aqmescit akimiyeti iyün 26 künü qayd etilgen Qırımtatar milliy bayraq Kününe tedbir ve avto yürüşleriniñ teşkilâtçılarına bayramnı keçirmege üç kere yasaq etti. Bu sebepten qırımtatarlarnı evler ve maşinalarını milliy bayraqlarnen yaraştırmağa çağıralar.
Qırımtatarlarnıñ bayrağı – üstünde altın tamğa tasvir etilgen kök tüslü ketendir. Qırımtatar bayraq künü 2009 senesi teşkil etildi.