Qırımda akimiyet organlarınıñ semereligi aqta sorav keçirecekler. İyün 18 künü Qırım ükümetiniñ matbuat hızmeti bildirgeni kibi, sorav 2015 senesi iyül 1-31 künleri Qırımnıñ rusiyeli ükümetiniñ resmiy saytında keçirilecek.
Belli olğanı kibi, soravnıñ maqsadı – Qırım sakinleri tarafından yerli idare organlarınıñ yolbaşçılarına, regional ve belediye seviyelerinde çalışqan şirketlerniñ faaliyetine qıymet kesilmesi.
«Bu taqiqattan ameliy fayda olacaq, yerli idare organlarına qıymet kesmege de yardım eter», – dedi Qırım nazirler Şurasınıñ reis muavini Dmitriy Polonskiy.
Soravda er istegen insan iştirak ete bile. Sorav şekli iyül 1-den açıq olacaq, – deyler matbuat hızmetinde.