Şu künleri «Viki alemni seve» üçünci ukrain foto yarışı soñuna yetti – qoruq, tabiat qoruv territoriyalarnıñ, Ukrainanıñ unikal yerleriniñ foto yarışı. Foto yarışına yollanılğan 14770 foto resimden 582 foto Qırım aqqında ve Qırımdan edi.
Yarış «Vikipediya» – «Vikimedia Ukraina» ukrain temsilciligi tarafından teşkil etildi.
Qırım.Aqiqat mühbirine «Vikimedia Ukraina» icraiy müdiri Natalya Tımkiv aytqanı kibi, er sene yarışqa Qırımdan yüzlerce, atta biñlerce foto yollanıla.
Taraqtaş Yalta qoruğı, Vikipediya fotosı
2015 senesi qırımlılar, evel olğanından, daa da az foto yolladı. Eger de 2013 senesi Qırımdan yarışqa 79 iştirakçiden 1877 foto kelse, 2015 senesi Qırımdan 30 insan 582 foto yolladı. Aqyardan Vikipediyağa fotolarnı 9 insan yolladı.
«Vikimediya Ukraina» malümatına köre, QMC cedvelinde – 198 tabiat qoruv obyekti bar. Yarış devam etken yılları olardan 139 fotoğa çekildi ve Vikipediya yarışları içün yüklenildi.
Bıltır yarış ğalibi – Qırımdan Vitaliy Başkatovnıñ «Demerci qayaları» foto resimi oldı.
Demirci tañda, Vikipediya fotosı
Qırımıñ eñ populâr obyektleri: Ayuv dağ, Demerci, Qaradağ tabiat qourğı, Ay-Petri, Livadiya bağçası.
Yarışnıñ milliy basamaq jürisi iyün 15 künü işke başlaycaq, halqara – iyül 15. Ğaliplerni avgust başında ilân etecekler.