Yaltada 9-11 sınıf mezunları devlet imtianlarını bereler. Qırımda attestatsiya ilk sefer devlet çıqış imtianı şeklinde keçecek: rus tili ve riyaziyat, – haber ete Qırım.Aqiqat mühbiri.
On birinci sınıf talebeleriniñ imtian neticeleri aliy oquv yurtlarında közge alınmay, yalıñız devlet attestatsiyası olaraq sayıla ve orta tasil aqqında şeadetnameni elde etmege imkân bere.
On birinci sınıflar içün çıqış imtianlarınıñ keçirilmesinde video nezareti teşkil etildi. Yazılğan malümat tasil keyfiyetine qıymet kesüv regional merkezine berilecek.
Telefon ya da diger elektron ciyezlerniñ olması qaidelerniñ qabа bozuluvı olaraq sayıla.
Bugünge Yaltada çıqış imtianlarını 1037 doquzıncı sınıf talebesi ve 657 on birinci sınıf talebesi berdi.