İşğalciler qırımtatar bayraqlarına dayansa da, Ukraina bayraqlarına razı degiller - Cemilev

İşğalci Rusiye akimiyeti qırımtatarlarğa qırımtatar halqı sürgünliginiñ yıllığı munasebetinen aktsiyalarnı keçirmege izin bermey. Faqat yarımadada 35000 qırımlını evini terk etmege mecbur etken şaraitler yaratıldı. Olardan 20 biñden ziyade - qırımtatarı. Bu ve diger meselelerni qırımtatar halqınıñ milliy lideri Mustafa Cemilev Radio Svobodağa aydınlattı. Amma, bu kergin vaziyetke baqmadan, o, Aqmescit ava limanına Amet-Han Sultan adınıñ berilmesi ve yarımadada tarihiy adlarnıñ qaytarılmasına müsbet qıymet kese. Çünki dünya toplulığı Qırım işğalini tanımasa, bu adlar diqqatqa alınacaq.