Aqyarda Ğalebe Künü – mayıs 9-da eki trolleybus yolcularnı bedava taşıycaq.
Bu aqqında Aqyarnıñ Rusiye ükümetiniñ saytında aytıla.
Haberge binaen, №10 trolleybusı (nomerası – 1606) soñki duraqtan bu cedvelge köre çıqacaq: 07:51, 09:11, 10:34, 11:55, 14:03, 15:24, 16:44. № 12 trolleybusı (nomerası – 1616): saat 09:13, 10:19, 11:22, 13:09, 14:13, 15:16, 16:18.
Berilgen malümatqa köre, mayıs 9-da kün devamında Ulu Vatan cenkiniñ veteranları taksi hızmetlerinden bedava faydalanıp olurlar.
Aqyarnıñ Rusiye akimiyeti Ğalebe Künü munasebetinen keçirilecek mayıs paradından sebep yol areketi qapatılacaq, dep bildirgen edi.