Rusiyede apiste bulunğan ukrain arbiyi Nadejda Savçenkoğa aprel 24-te resmiy qabaat aydınlatılacaq. Sıñırdan qanunsız alda keçüv aqqında laf kete. İmaye birden onı şikâyet etecegini bildirgen edi.
Bunı adliyeci Mark Feygin Twitterde yazdı.
Сразу после предъявления ст.322 УК защита обжалует постановление в судебном порядке. Обычно делают не так, но они не оставляют нам выхода.
— Mark Feygin (@mark_feygin) 22 Квітень 2015
Taqiqatnıñ malümatına köre, Ukraina şarqında Rusiye jurnalistleriniñ ölümine alâqası olğanında qabaatlanğan Savçenko sıñırdan keçip, Rusiyede saqlanacaq edi.
Ukrain arbiyi bunı red etip, separatistler onı esir alğan soñ Rusiyege yolladılar, dep bildire. Mında keçken sene yazda onı apiske aldılar.
Kiyev ve ğarp memleketleri Rusiyeden ukrain uçucısını Minsk añlaşmalarınıñ şartlarına esaslanıp azat etmege talap ettiler.
Fevral ayında Moskvanıñ Basman mahkemesi Nadejda Savçenkonıñ apis cezasınıñ müddetini mayıs 13-ke qadar arttırdı. İş taqiqatı da bu müddet qadar arttırıldı. Savçenko 80 kün tutqan narazılıq açlığını ilân etken edi. Mart 16-da o, açlıqqa tekrar başlap, cezasını deñiştirmege talap etti.