«Spravedlivaya Rossiya» firqasınıñ regional bölük reisi Aleksandr Yuryev tünevin rusiyeli WBO Oriental çempionı Andrey Knâzevni yeñgen Qırım boksçısı Aleksandr Usikniñ Qırımğa kirişini yasaq etmege teklif ete, dep haber ete Tsentr jrunalistskih rassledovaniy.
«Tünevinki ğalebeden soñ Usik Aqmescitke qayta. O er yerde Qırım Ukraina olğanını, ve onı Ukrainağa keri qaytarmağa yardım etecegini ayta... Belki de, oña Rusiye Federatsiyasına kirişini yasaq etmege vaqıt keldi?», – dep yaza Yuryev Facebookta.
«Qanun bar, yahşı ya da yaramay, oña riayet etmek kerek. Usik Rusiye vatandaşı olsa, qanunğa köre cevap bersin. Olmasa, Kiyevde otursın. Lâkin bizim toprağımızda qanunnı bozğan olsa, qanunğa köre cevap berecek», – dep ayttı siyasetçi.
Tünevin Usik WBO versiyası boyunca qıtaara çempion unvanını qorçaladı.
Qırımlı Rusiye boksçısını tehnik knockout ile yeñdi.