Qırım başı Sergey Aksönov Hakasiya Cumhuriyeti başına – Hakasiya Cumhuriyetiniñ ükümet reisi Viktor Ziminğa cumhuriyet territoriyasında yüz bergen yanğın neticesinde olğan facia içün taziye mektübini yolladı.
Bunı Qırımnıñ Rusiye akimiyetiniñ matbuat hızmeti bildire.
«Qırım Cumhuriyeti sakinlerinden Hakasiya halqına cumhuriyetiñizde olğan qayğı içün samimiy ve teren taziyelerimizni bildirem. Qırımlılar qorqunçlı felâket neticesinde elâk olğan insanlarnıñ soy-sop ve tuvğanlarınıñ qaarini is ete», – denile Aksönovnıñ beyanatında.
Hakasiyada raatlıq künleri yanğından 23 insan elâk oldı, biñden ziyade ev yandı. Aprel 14 künü matem künü olaraq ilân etilgen edi. Rusiye Fevqulâde işler nazirliginde evlerni yarım yıl içinde ğayrıdan qurmağa söz berdiler.