«Qırım» batalyonında bildirilgeni kibi, Donetsk vilâyeti Peski qasabasında ATO küçleriniñ mevzilerine boyevikler tarafından açılğan ateş neticesinde yararlanğanlar ukrain askerleri bar, haber ete Radіo Svboda.
«Cenkniñ nevbetteki künü soñuna yetti. Peski qasabasında göñüllilerniñ qısmen qaytmasınıñ sebebinden mevzilerimizniñ zayıflaşqanından faydalanıp, separatistler tankları ile ücüm etmege çalıştı ve ateş açqan ediler. Uruş neticesinde yararlanğanlar bar», – denile «Qırım» batalyonınıñ beyanatında.
Separatistler, öz nevbetinde, Donbassta «süküt» rejiminiñ bozuluvlarında ukrain arbiylerini qabaatlaylar.
«Bir kün içinde ukrain tanklarından 99 atış yapıldı. Spartak ve Şırokino meskün yerlerine ateş açılğan edi», – dedi «DHC» «Mudafaa nazirliginiñ korpus reberiniñ muavini» Eduard Basurin.
Aprel12 künü OSCE nezaretçileri Şırokino rayonında uruşlarnıñ ğayrıdan başlanması aqta bildirgen ediler.