«Spravedlivaya Rossiya» firqasından Devlet duması deputatı İlya Ponomarövnı deputat toqunmazlıqtan marum ettiler. Böyle qarar salı künü, aprel 7-de, qabul etildi. Qararğa 438 deputat qol tuttı, biri qarşı çıqtı.
Qarşı çıqqan deputat Dmitriy Gudkov twitterde yazğanı kibi, «Spravedlivaya Rossiya» azası Valeriy Zubov ve Yuriy Petrov («Yedinaya Rossiya») rey bermegen ekenler.
«Dojd» telekanalı bildirgeni kibi, evel, salı künü, baş prokuror Aleksandr Buksman Rusiye Devlet dumasına muracaat etip, «Skolkovo» fondunıñ işi boyunca Ponomarövnı toqunmazlıqtan marum qaldırmağa ricada bulundı. Rusiye qanunlarına köre, deputatqa qarşı cinaiy işniñ açılması aqta qararı parlamentniñ aşağı palatasınıñ izni ile alına bile. Devlet duması baş komiteti işbu teklifke qol tuttı.
Evel Ponomaröv, onıñ yaqalanuvı aqta qarar alınsa, AQŞdan Rusiyege kelmeycegini bildirgen edi.
2014 senesi aprel ayında LDPR firqası Devlet dumasına Rusiye tarafından Qırım işğaline qol tutmağan «Spravedlivaya Rossiya» fikrasınıñ azaları İlya Ponomaröv, Dmitriy Gudkov, Sergey Petrov ve Valeriy Zubovnı toqunmazlıqtan marum etmege teklifi ile buyurdı.
Aprel 15 künü Devlet dumasınıñ komiteti işbu qararnı lâğu etti, çünki o Devlet dumasınıñ deputat statusı aqqında qanunına ters kele.