Qırımda bazarertesi, mart 30 künü, furtuna havfı ilân etilgen.
Bunı gidrometeorologiya boyunca Qırım idaresi bildire.
Tahminlerge köre, mart 30 künü gece ve saba yarımadada bazı yerlerde qoyu tumannıñ olması mümkün.
Qırım paytahtı Aqmescitte ara sıra bulutlarnıñ olması beklenile. Yağanaqsız. Yel cenübiy-ğarbiy – 4-9 m/s, kündüz – 13 m/s. Ava arareti gece sıfırdan yuqarı – 4-6, kündüz 14-16 dereceni teşkil etecek.
Malüm olğanı kibi, mart 28 künü Keriç boğazında furtuna havfı ilân etilgen edi. Yel küçü 16 m/s, bazıda 20 m/s yete edi.