Salı künü, mart 17-de, Brükselde Ukraina prezidentiniñ qırımtatar halqınıñ işlerinden vekâletlisi Mustafa Cemilev NATO Ukraina eyyetiniñ başı İgor Dolgov ile NATO baş kâtibiniñ muavini Aleksandr Verşbou ile körüşüvni keçirdi.
Bunı Cemilevniñ matbuat hızmeti bildire.
Aynı şu künü qırımtatarlarnıñ milliy yetekçisi Ukraina-NATO komissiya tolpaşuvında iştirak etti ve daa bir qaç diplomat ile körüşti, denile matbuat hızmetiniñ beyanatında.
Mart 18 künü Cemilev Halqara matbuat merkezinde ukrain ve çetel matbuatınıñ temsilcileri ile körüşecektir.
Evel bildirilgeni kibi, Cemilev Brükselde Şimaliy atlantik Birliginiñ memleket temsilcileriniñ toplaşuvında çıqış etecektir. Ukraina prezidentiniñ vekâletlisi Ukraina Tışqı işler nazirliginiñ onıñ işbu toplaşuvda Qırım adından iştirak etüvi aqta ricasına seslendi. O, işğal etilgen yarımadanıñ şimdiki vaziyeti aqqında tarif etecek.