Qırımda salı künü, mart 17-de, qar yağuvdan 18 biñge yaqın insan elektrikasız qaldı. Qırım Fevqulâde işler nazirliginiñ matbuat hızmeti bildirgeni kibi, salı künü 13 meskün yer ışıqsız qaldı.
Olardan çoqusı Qırım yarımadasınıñ şarqiy qısmındadır: Keriç ve Lenin rayonında.
«Eletkrikanıñ tamiri üzerinde «Krımenergo»nıñ 21 brigadası çalışa», – qayd eteler qurtarıcılar.
Evel bildirgeni kibi, Qırım yarımadasında qar yağuvından sebep salı künü, mart 17-de, bir qaç qasaba ışıqsız qalğan edi.
В Симферополе весенний снег
Мart 17-de saba Aqmescitte qar yağmağa başladı.
Qırım.Aqiqat mühbiri bildire ki, ruzgâr ve yağanaqlar neticesinde paytahtnıñ soqaqlarında tam bir furtuna qoptı. Yollar ve qalımtılarnı qar örtti, lâkin o da tez irey.
Yollarda areket daa yavaş, em maşina, em de adamlar eksildi. Qırımda mart 17-de furtuna havfı qalmaqta. Yarımadada ava bozulacağını tahmin eteler.