Rusiye prezidenti Vladimir Putin çarşenbe künü, mart 18-de, Qırım inkişafı boyunca toplaşuv keçirecek, dep bildirdi salı künü devlet yolbaşçısınıñ matbuat kâtibi Dmitriy Peskov.
Lâkin bu muşavere aqqında tafsilâtlı malümat bermedi. «Yarın Qırım yarımadası ile bağı tedbir ötkerilecek. Qalğanını yarın aytarıq», – dep ayttı Peskov jurnalistlerge.
2014 senesi mart 18-de Rusiye ve Qırım cumhuriyetniñ, em de Aqyarnıñ Rusiye Federatsiyası terkibine kirmesi aqqında añlaşmanı imzaladılar. Añlaşmanı prezident Vladimir Putin, Qırım parlamentiniñ spikeri Vladimir Konstantinov, Qırım baş naziri Sergey Aksenov ve o vaqıtta Aqyar yolbaşçısı olğan Aleksey Çalıy imzalağan ediler.