Aqmescitte Qırım dramatik Ukrain muzıkalı teatrinde mart 8-de Meydannıñ on yıllığına bağışlanğan kontsert olıp keçti. Sanada qırımtatar icracıları, şu cümleden ATR telekanalınıñ «Tatlı Ses» leyhasınıñ final iştirakçileri çıqışta bulundılar. Bunı tedbirni ziyaret etken Qırım.Aqiqat mühbiri bildirdi.
«Bizler bugün gençlerni ve ğayet meşur olğan yıldızlarnı topladıq. Radio işke devam etmege planlaştıra, ve daa nice on yıllığını beraber qarşılaycağımızğa ümüt etemiz», – dep ayttı Meydan radiosınıñ baş muarriri Asan Hayretdinov.
Onıñ qayd etkenine köre, 10 yıldan berli radio uzun müddet devamında efirde ana tilini ve halq yırlarını eşitmek imkânlarından marum qalğan adamlar içün hızmet köstere.
Meydan 10 yaşında
«Meydan – dünyanıñ yekâne qırımtatar radiosı, ve bu bizge büyük vazifeler bere», – dep qayd etti Hayretdinov.
Meydannıñ baş muarriri qayd etti ki, 10 yıl devamında radio bütün Qırımda yayınlap olamay, qırımtatarlar yarımadanıñ farqlı köşelerinde yaşasa da, Meydannı yalıñız Aqmescit ve Aqmescit rayonınıñ sakinleri diñleyler.
Bayram kontserti
Fevral 5-te qırımtatar radiosı on yıllığını qayd etti. Şu künü 10 yıl evelsi qırımtatar tilinde yayınlağan radionıñ birinci nağmeleri yanğıradı. Meydannıñ hadimleri qırımtatar tili ve medeniyetini inkişaf ettirmege tırışalar.
Your browser doesn’t support HTML5
Meydan radiosı 10 yıllığını qayd etti