Qırımtatar Milliy Meclis reisi Refat Çubarov Kiyevde Latviya baş naziri Laimdota Straujuma ve Ukrainadaki Latviya elçisi Argita Daudze ile eki saatlıq körüşüvini keçirdi. Körüşüv devamında Ukraina ve qırımtatar halqına destek kösterüv usulları muzakere etildi.
Bunı Çubarov öz Facebook saifesinde bildirdi.
«Avropa Birligi Şurasınıñ reisi olğan Latviya, ABniñ yaqın zamanları öz iradesine qarşı sovet imperiyası terkibinde bulunğan diger azaları ile – Litvaniya, Estoniya, Poloniya ve Romaniya ile birlikte AB devlet–azalarını Ukraina ve qırımtatarlarğa yardım etmege çağıra», – dedi Çubarov.
Evel Latviya Tış işler naziri Edgars Rinkevičs Avropa Birligi Qırımnıñ Rusiye tarafından işğaliniñ tanılmaması boyunca tedbirlerni keçirecegi aqta bildirgen edi.
2015 senesi yanvar 1-den Avropa Birligi Şurasında reislik Latviyağa keçti.