Fevral 22-ne keçer gecesi Moskvanıñ merkezinde «DNR» bayrağı ile kezgen erkekni yaraladılar.
Bunı «Moskva» şeer haberleriniñ agentligi paytahtnıñ uquq qoruyıcı organlarında olğan qaynaqlarğa esaslanıp bildire.
«Eki erkek Petrovka soqağınd öz başına ilân etilgen Donetsk halq cumhuriyetiniñ bayrağı ile ketken ediler. Yaqın yerleşken bir bardan adam çıqıp, milliy şiarlar seslendirmege ve erkeklerni aqaretlemege başladı, – dep tarif etti neşirniñ qaynağı. – Qavğa yüz berdi, adam «Osa» travmatik pıştavını çıqarıp, erkeklerden biriniñ yüzüne ateş açtı».
Ücüm etken şahıs yaqalandı. Qayd etile ki, onıñ milliy atributikası, em de silâ tapıldı.
Qaynaqnıñ bildirgenine köre, apis cezası aqqında mesele baqılmaqta.