Cumaertesi künü, fevral 21-de, Aqmescit rayonınıñ Dubki köyündeki «narazılıq meydanınıñ» bir qaç on faali inşaatlarnı yıqmaq içün toplaştı. Qırım.Aqiqat mühbiriniñ bildirgenine köre, Dubki köyünde yerli akimiyet vekilleri de buluna.
Olar toplaşqan insanlarğa bir qaç yıl evelsi qurulğan evçiklerni yıqmağa teklif ettiler. Bundan soñra topraq damartısınıñ nomerasını qayd etip, köy şurasından bu yerniñ resmiy ayırılmasını istemege çağırdılar.
Aqmescit civarındaki Dubki köyünde "narazılıq meydanınıñ" faalleri
Faaller toplaşuv keçirip, rezolütsiyanı qabul ettiler. Vesiqağa binaen, narazılıq bildirgenler akimiyetniñ talaplarına riayet etip, topraq damartılarını boşatmağa razı oldılar.
Toplaşqanlar ükümetniñ reis muavini Ruslan Balbekni beklemege qarar berdiler. Olar topraq alacağından emin olmaq içün ondan kefaletni alacaq olalar. Lâkin baş nazir muavinini köremeyip, olar inşaatlarnı yıqıp başladılar. Başta bir qaç evçikni traktor yıqtı, amma faaller qarşı çıqtılar. Olar qurucılıq malzemeleri qalsın dep, kendileri evçiklerni bozmağa başladılar.
Uquq qoruyıcı organlarnıñ hadimleri vaziyetni nezaret eteler.
Aqmescit civarındaki Dubki köyünde «narazılıq meydanı»
Hatırlatamız, Qırım baş naziriniñ muavini Ruslan Balbek «Qırım Cumhuriyetinde mesken qurulması içün topraq damartılarınıñ ayırılması meselesinde vatandaşlarnıñ aq-uquqlarını iame ve ömürge keçirüv» Komissiyasınıñ toplaşuvında dedi ki, Qırımda topraqlarnı zapt etüv meselesi bütünley al etilecek.
İnşaat yıqmasınıñ levhası
Your browser doesn’t support HTML5
Dubki mikrorayonında samozahvatlarnı yıquv