Ukraina prezidenti Petro Poroşenko Minsk toplaşuvından eyi haber şimdilik yoq olğanını bildirdi. Faqat, onıñ sözlerine köre, muqavele olacağına ümüt daa bar, haber ete Radio Svoboda.
Muzakere iştirakçileri toplaşuv salonına qayttılar, evel ise körüşüv soñuna yetkeni aqqında malümat peyda olğan edi.
Ukraina, Rusiye, Frenkistan prezidentleri ve Almaniya kantsleri arasında muzakerler çarşenbe künü aqşam başlandı ve bütün gece devam ete edi.
Cumaaqşamı saba taraflar Ukraina şarqında fevral 14-den itibaren ateş toqtatıluvı aqta vesiqanıñ qabul etkeni aqqında malümat peyda oldı. Vesiqa Minskte keçirilgen Donbass ziddiyetiniñ toqtatılması boyunca üç taraflama kontakt gruppasınıñ körüşüv iştirakçilerine berilgeni aqqıda haber peyda olğan edi.
Ukraina akimiyeti ve Ğarp memleketleri Rusiyeni Ukraina şarqında separatistlerge qol tutqanında ve silâlı ziddiyette dos-doğru iştirak etkeninde qabaatlaylar. Moskva işbu qabaatnı red ete.