Keriç keçitinde, fevral 11 künü, furtuna sebebinden paromlarnıñ qatnavı vaqtınca toqtaldı.
Bunı Yekâne naqliyat müdirliginiñ matbuat hızmeti bildire.
«Fevral 11-ne keçer gecesi ava şaraitlerinden sebep Keriç boğazından paromlarnıñ keçüvi toqtaldı. Furtuna havfı saqlanıla, yel suratı 20 m/s yete», – denile beyanatta.
Saba «Kavkaz» limanında nevbette 150 yengil ve 50 yük, «Qırım» limanında ise – 50 yengil ve 12 yük maşinası tura. Yük yolağında: «Novorossiysk» – 230, Slavânsk-na-Kubani – 585, Keriç ava limanında – 390 maşina tura.
Aydavcılarğa yolğa çıqmamaq ve qıta ya yarımadada qalmağa tevsiye eteler.