Rusiyeniñ Türkiyedeki elçisi Andrey Karlov bildirdi ki, Türkiyeniñ ğayrı resmiy eyyeti yaqın vaqıtta Qırımğa kelip, qırımtatarlarnıñ al-vaziyetini ögrenecek, dep haber ete RİA Novosti.
«Al-azırda Qırımda qırımtatarlarnıñ vaziyetini ögrenecek Türkiyeniñ ğayrı resmiy eyyetiniñ Qırım ziyareti azırlanıla. Onıñ erkânına istifada olğan siyasetçiler, farqlı cemaat teşkilâtları ve iş adamları birlikleriniñ vekilleri kirecekler. Türkiye işdeşlerimiz anda barıp, ne olğanını kendileri körseler, pek yahşı olur, çünki Meclis liderleri Çubarov ve Cemilev kibi menfiy sımalar sıq-sıq yañlış malümat bereler», – dedi Karlov.
Elçi Türkiye eyyetiniñ ziyaretinden soñ Türkiye reberliginiñ qırımtatarlarnıñ vaziyeti meselesi boyunca fikri deñişecegine ümüt ete.