Rusiye tarafını tutqan separatistler Debaltsevo etrafından ateş toqtatuv rejimi fevral 6 künü Kiyev vaqtına köre saat 10:00-17:00 arasında devam etecegini bildirdiler. Bundan da ğayrı, seperatistlerniñ vekilleri şeer sakinleri ile avtobuslar şeerden çıqqanı aqqında haber ettiler.
Evel Ukraina İçki işler nazirligi Debaltsevoda insanlarnı tahliye etmek içün «yeşil ayat» teşkil etilgenini bildirgen edi.
Saba Reuters agentligi şeerge OSCE nezaretleri ile on avtobus yol alğanını qayd etken edi.
Soñki künleri ukraina akimiyetiniñ vekilleri Debaltsevo ve onıñ etrafında olğan diger meskün yerlerden insanlarnı faal sürette tahliye etmege başladı.
Fevral 5 künü Debaltsevo, Avdeyevka, Olhovatka ve Svetlodarsktan 376 insan tahliye etildi, haber ete Ukrainanıñ Fevqulâde vaziyetler boyunca Devlet hızmeti.