Rusiye Federatsiyasınıñ vatandaşları aqımdaki seneniñ mart 1-den itibaren Ukrainada içki pasportları ile bulunmaq aqqından marum qalacaqlar.
Bu aqqında Ukraina Nazirler şurasınıñ qararında aytıla.
İşbu vesiqa derc etilgen künü işke tüşürile ve Ukraina Nazirler şurası Añlaşmanıñ 6-ncı maddesi belgilegen şartlar toqtatılması qararını qabul etkenine qadar amelge keçirile.
«Bizler Ukraina devlet sıñırından keçüv içün içki pasportnı (Rusiye vatandaşınıñ – muar.) ve doğuv şeadetnamesini alamız», – dep tekrarlay Ukraina baş naziriniñ aytqanlarını onıñ matbuat hızmeti.
Onıñ qayd etkenine köre, eki taraflı añlaşmada Ukrainağa kirecek olğan Rusiye vatandaşlarınıñ vesiqalar cedvelinde diplomatik ve iş pasportı kibi vesiqalar eskisi kibi qullanıla bile.
Yatsenükniñ bildirgenine köre, bu adım sıñırda nezaretni quvetleştirmege ve Ukrainanıñ milliy havfsızlığı menfaatlarını temin etmege imkân berecek.