Cumaertesi künü boyevikler tarafından Mariupolniñ mesken yerlerinden birine açılqan ateş neticesinde 15 insan elâk oldı, 76 kişi yaralandı. Bunı vilâyetniñ militsiya bölügi Radio Svoboda mühbirlerine bildirdi.
«76 vatandaş yaralandı. Zarar körgenler arasında – 12 yaşında qızçıq. 15 adam elâk oldı», – aytıla beyanatta.
Uquq qoruyıcılarnıñ malümatına köre, zarar körgenlerni hastahanege alıp kettiler.
RNBO kâtibi Mariupol adiseleri içün Rusiye prezidenti Vladimir Putin mesülietli, dep bildirdi.
Mariupolniñ ateş altında qalğan mesken yerniñ fotoresimleri Ukraina İçki işler nazirliginiñ resmiy saytından alınğan