Mudafaa nazirligi 200 hadimni işten boşatacaq. Bunı Ukraina mudafaa naziri Stepan Poltorak brifingde bildirdi, – dep haber ete cumaaqşamı künü, yanvar 8-de, UNN neşiri.
«Men Mudafaa nazirliginiñ bölügi ve Baş ştabınıñ islâatını keçirmek qararına keldim. Mudafaa nazirlik apparatınıñ sayısı 770 vazifeden ibaret olacağını imzaladım», – dedi Poltorak.
Onıñ aytqanına köre, böylece altı departament ve idare qısqartılacaq, on bir departamentniñ islâatı keçirilecek.
Stepan Poltorak dedi ki, «müim olmağan işlerni yapqan» adamlarnı tutmaq acet yoq.
Malüm ki, Ukraina Mudafaa nazirligi memleketniñ yañı arbiy mezebini azırlay.