2015 senesi Ukraina Silâlı quvetlerine dörtünci, beşinci ve altıncı çağıruv devamında 200 biñ ukrainli askerlikke alınacaq. Bunı Ukraina arbiy prokurorı Anatoliy Matios yanvar 6-da bildirdi, – dep haber ete UNİAN.
«Şunı ayta bilem ki, mobilizatsiyanıñ dörtünci dalğası devamında 100 biñ insan askerlikke çağırılacaq, nevbetteki – 50 biñ kişi ve altıncı dalğada – kene de 50 biñ. Anda bu raqamnı belgilegen mahsus tehnologiya bar. Lâkin bu pek çoq olğanını aytam. Aqımdaki sene 210 kün devamında arbiy hızmetniñ mobilizatsiyası keçirilecek», – dedi Matios.
Malüm ki, dekabr 20-de RNBO kâtibi Oleksandr Turçinov bildirdi ki, 2015 senesiniñ mobilizatsiyası üç basamaqtan ibaret olacaq ve yanvar ayından başlap avgust ayına qadar devam etecek.
Birinci basamaq yanvar 20-de başlanacaq ve 90 kün sürecek, ekincisi – tahminen aprel ayında başlanacaq ve 60 kün sürecek, üçünci basamaq ise iyün ayında başlanıp, 60 kün sürecek.
Silâlı quvetler mobilizatsiyasınıñ nevbetteki dalğası çerçivesinde tankist, artillerist, desantnik, bağcı, tamirci, aydavcı, logistika, radioelektron küreş, radiatsion, himik imayesiniñ mütehassısları askerlikke çağırılacaq.
2015 senesi 40 biñ vatandaşnı mecburiy arbiy hızmetke çağıracaqlar.
2014 senesi mobilizatsiyanıñ üç basamağı keçirilgen edi.