Herson vilâyetiniñ Novoalekseyevka qasabasınıñ sakinleri işğal etilgen Qırımğa trenlerniñ lâğu etilmesinden soñ öz qasabasını «dünya merkezi» olaraq adlaylar, dep haber ete Novıy vizit neşiri.
Neşirniñ qayd etkeni kibi, qasabanıñ demir yol vokzalında şimdiki areketni kurort mevsimi ile qıyaslamaq mümkün.
«Yerli sakinlerniñ çoqusı buña quvana, çünki qasaba, kerçekten de, yaşardı: ticaret başlandı, hızmet saası bir tertipke ketirildi. Amma bu sebepten daa da çoq taksi aydavcıları quvana. Olar kelgen yolcularnı perronda birinci sırada qarşılaylar. Yerli aydavcılarnıñ çoqusı qırımtatarlarıdır. Olar digerlerden öz vatanperverligi ile farqlana. Misal içün, bir-birini er vaqıt – «Ukraianağa şan-şüret», «Qaramanlarğa şan-şerefler olsun» kibi şiarlar ile qarşılaylar. Akimiyetniñ Qırımda naqliyat qamaçavını teşkil etmek qararını aydavcılar, yarımadada tuvğanları yaşasa bile, müsbet olaraq tanıy», – haber ete Herson veb-portalı.
Dekabr 26 künü «Ukrzalіznitsâ» Qırım ile demir yol alâqasını toqtattı ve yarımadağa qatnağan halqara trenlerni de lâğu etti.