Qırımda FSB hadimleri ukrain arbiyleriniñ qoranta azalarını balaları ile sürgün etmege çalışа.
Bu aqta dekabr 23 künü Facebook saifesinde, Ukraina VMS komandanı muavini Marina Kanalükqa esaslanıp, İnter telekanalınıñ jurnalisti Roman Boçkala bildirdi.
«Qırımda 10 ukrain arbiyiniñ evine sürip kirdiler. Kilitlerni deñiştirip, qapularnı müürlediler. Öz areketlerini şvondörlar, mesken – müessiseniñ mülki olğanı içün onı boşatmaq kerekligi ile añlattılar. Amma mesken – Ukraina Mudafaa Nazirliginiñ mülki olğanı aqta unuttılar. Areketlerniñ doğrulığını tasdiqlağan iç bir mahkeme qararı ya da diger bir uquqiy qaideleri yoqtır»,– dep yazdı jurnalist.
Onıñ malümatına köre, FSB hadimleri qadın ve babalalardan telefonlarını tutıp ala ve ukrain askerlerini qorqutmağa çalışa edi.
«Aqyarda Kubanskaya, 11 ve 11a ve Aqmescitte Lenina, 44 adresi boyunca yerleşken arbiy hızmetçilerniñ evleri obstruktsiyağa oğradı, söz ukrain antına sadıq qalğan ve qıtağa köçip ketken ukrain arbiyleri aqqında kete», – dey jurnalist.
O şunı da qayd etti ki, bu kibi areketler endi yüz bergen edi. Şu cumlеden, jurnalist Ukraina VMS komandanı muavini Kanalükniñ sözlerini aşkâr ete. Onıñ sözlerine köre, yaşağan dairesinde Rusiye ordusına hızmet etmege keçken ekinci rang kapitanı Kоstin yerleşecek edi.
«Meskenniñ qanuniy qullanıcıları politsiyağa ariza yazğan edi. Anda bu meseleni al etmege söz bereler», – dep yazdı jurnalist.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.